衰鬼媽咪

氹得一家大細開心的《衰鬼媽咪》，由爆笑影后Jamie Lee Curtis飾演媽咪妲絲，《親親兩顆心》美少女新星Lindsay Lohan飾演女兒安娜。兩母女性格猶如火星撞地球，大家對對方的衣著髮型、音樂口味到擇偶條件都睇唔順眼。某星期四晚兩母女大吵過後怪事發生，一早醒來竟然調轉了身體。無計！唯有張就一下交換身份，兩母女性格外型大兜亂。估不到這匪夷所思的遭遇，反而令二人多了尊重和了解。問題係：媽咪翌日仲要結婚！怎樣先可以回復真身？唔止好笑、好玩、好rock，《衰鬼媽咪》仲好鬼warm！